Türkiyənin Ərzincan şəhərində ürəyinə by-pass əməliyyatı keçirən Bekir Dəmirtaş unikal xəstələr siyahısına daxildir.

Belə ki, əməliyyatdan 2 gün sonra bir saat içində onun ürəyi 40 dəfə dayanıb. Buna baxmayaraq, dərhal müdaxilə edən həkimlər onu həyata qaytarıblar. 66 yaşlı kişinin ilkin əməliyyatı 4 saat boyunca davam edib. Amma bu, onun qurtulduğu və həyata qayıtdığı anlamına gəlməyib. Hətta ürəyi dayanan vaxt həkim onun ürəyini əlinə alaraq qapalı masaj edib. Bunun müsbət effekt vermədiyini görəndə isə ürəyinə elektroşok və masaj tətbiq edib. 3 gün sonra xəstə gözlərini açıb və həyata qayıdıb.

Həkimlər isə həmin günkü fəaliyyətlərini möcüzə adlandırıblar. Onlar deyiblər ki, xəstənin ürəyi 20-30 saniyə döyünür, sonra isə dayanırdı.

Musavat.com