ABŞ Dövlət katibinin rəsmi nümayəndəsi olan Bret Makgurk İraq Kürd Muxtar Vilayətinin lideri Məsud Bərzanini dəstəklədiyini ifadə edib. Axar.az xəbər verir ki, Makgurk bununla bağlı fikirlərini öz Tvitter səhifəsində yerləşdirib. ABŞ nümayəndəsi ilə yanaşı Böyük Britaniyanın İraqdakı səfiri Frank Beykır da Bərzanini dəstəkləyən ifadələr işlədib. O, Londonun bundan sonra da Bərzaninin yanında olacağını bildirib. Qeyd edək ki, İraq Kürd Muxtar Vilayətində son günlər Məsud Bərzaninin hakimiyyətdə qalması məsələsi yenidən gündəmi zəbt edib. Artıq muxtariyyətdə Bərzaninin getməsinə tərəfdar olan güclü qrup formalaşıb. Türkiyə mətbuatı bu qrupun arxasında İranın dayandığını bildirir.