ABŞ Rusiya səfiri Andrey Karlovun ölümündə günahlandırılan FETÖ şəbəkəsinin lideri Fətullah Güləni yalnız Türkiyənin bu iş üzrə təqdim etdiyi konkret faktlar əsasında ekstradisiya edə bilər.

Axar.az xəbər verir ki, bu sözləri ABŞ Ədliyyə Nazirliyinin nümayəndəsi Nikol Navas deyib.

“Biz Türkiyənin bu yöndə təqdim etdiyi istənilən materiallara baxacağıq. İstənilən qərar faktlar və ABŞ qanunvericiliyi əsasında qəbul ediləcək”, - deyə bildirilib.

Qeyd edək ki, səfir A.Karlovun öldürülməsi ilə bağlı bu gün Ankara Cümhuriyyət Prokurorluğunda aparılan məhkəmə prosesində önəmli qərar qəbul edilib.

Belə ki, məhkəmə Fətullah Gülən də daxil olmaqla, 8 FETÖ-çu haqqında həbs qərarı qəbul edib.