Bir qrup güneyli milli-mədəni fəal, azərbaycanlı siyasi məhbusların azadlığını tələb etmək məqsədi ilə Savalan dağı zirvəsinə çıxıb.

Axar.az xəbər verir ki, siyasi məhbusların qeyd-şərtsiz sərbəst buraxılmasını istəyən fəallar “Azadlıq uğrunda dustağa düşən igidlərimizə azadlıq” yazılmış banner nümayiş etdiriblər.

Bannerin aşağı hissəsində “Bayrağı ucalarda qalmaq istəyən hər hərəkət, dustaqlardakı bayraqlarına arxa durub, onları uca tutmalıdır” sözü yazılıb.

Bannerdə Azərbaycan türk millətinin milli və demokratik hüquqları uğrunda apardıqları mədəni mübarizəyə görə həbs olunan Lətif Həsəni, Siyamək Mirzayi, Kiyumərs İslami və İbrahim Nurinin görüntüləri də əks olunub.