Azərbaycanlı milli-mədəni fəal Kiyumərs İslami və onun ailə üzvləri Parsabad şəhərinin ETTELAAT İdarəsi tərəfindən təhdid və təzyiqlərə məruz qalır.

Axar.az xəbər verir ki, bu barədə güneyli fəallar bildiriblər. Məlumata görə, fəala zəng edən ETTELAAT əməkdaşları onu bir neçə dəfə idarəyə çağırıb, mədəni fəaliyyətlərindən uzaqlaşmasını, təşkilatla əməkdaşlıq etməsini istəyiblər.

Ona və ailəsinə bildirilib ki, yalnız bu şəkildə Babək qalası mərasimi ilə bağlı baxılmaqda olan dosyeni bağlamaq mümkündür.

Qeyd edək ki, Parsabad sakini K.İslami iyulun 3-ü Babək qalası yürüşü ərəfəsində öz evində təhlükəsizlik qüvvələri tərəfindən tutulub. O, təxminən 40 gün saxlandıqdan sonra 120 milyon tümənlik girov qarşılığında müvəqqəti olaraq azadlığa buraxılıb.