Türkiyə hüquq-mühafizə orqanları ABŞ-ın Ankaradakı səfirliyini atəşə tutmaqda təqsirli bilinən iki nəfəri saxlayıb.

Teref.az Türkiyə mətbuatına istinadən xəbər verir ki, saxlanılan Əhməd Çelikten və Osman Gündeş ilkin ifadələrində təqsirlərini etiraf ediblər.

Xəbər verildiyinə görə, hazırda saxlanılan şəxslərin ətrafında geniş əməliyyat-istintaq tədbirləri davam edir, onların bütün əlaqələri gözdən keçirilir.

Səfirliyi atəşə tutanlar maşının nömrəsinin kameralara düşməməsi üçün led işıqlandırma sistemindən istifadə ediblər.

Həbsdən və ilkin açıqlamadan dərhal sonra ABŞ-ın Ankaradakı səfirliyi bəyanatla çıxış edib.

Səfirlik hadisəni törədənlərin operativ və peşəkarcasına həbs edilməsini təqdir edib: “Biz buna görə Türkiyə hökumətinə və hüquq-mühafizə orqanlarına minnədarıq”.

Qeyd etm\k lazımdır ki, Türkiyə xarici işlər naziri Mövlud Çavuşoğlu təxribat xarakterli hadisəni şiddətlə qınadıqları bildirib.