Türkiyənin Xarici İşlər Nazirliyi bu ölkənin Yunanıstanın Selanik şəhərindəki baş konsulluğunun mühafizə xidmətinə edilən hücumu kəskin şəkildə pisləyib.

XİN xatırladıb ki, Yunanıstan tərəfi, Türkiyənin bu ölkədəki diplomatik statuslu obyektlərini, şəxsi heyəti və mühafizəçilərin təhlükəsizliyini təmin etməyi gücləndirməlidir.

Xatırladaq ki, sentyabrın 30-da Ankara vaxtı ilə saat 02.30-da Türkiyənin Selanik şəhərindəki baş konsulluğunun inzibati binasının mühafizəçilərinə naməlum adamlar tərəfindən 6 ədəd “Molotov” kokteylli atılıb./AZƏRTAC/