“Birləşmiş Ştatlar effektiv və yoxlanıla bilən silahlara nəzarət sisteminin tərəfdarıdır və Rusiya və Çin ilə hamı üçün zərərli olacaq silah yarışına can atmır”. Teref.az “Sputnik” agentliyinə istinadən xəbər verir ki, bunu adı çəkilməyən Dövlət Departamenti rəsmisi bildirib.

O qeyd edib ki, ABŞ müttəfiq və tərəfdaşlarının təhlükəsizliyini təmin edəcək effektiv silahlara nəzarət sistemi olmasını istəyir və silah yarışı hamı üçün zərərli ola bilər.

“Üçtərəfli silah yarışı sabitləşmə və Çin və ya Rusiya üçün təhlükəsizliyi artırmaz. ABŞ beynəlxalq silahlara nəzarət sisteminə sadiqdir, lakin Çin ABŞ və Rusiya ilə danışıqlara qatılmalıdır”, - deyə o qeyd edib.