Türkiyədə qeydiyyata alınmış Azərbaycan şirkətlərinin ümumi kapitalı açıqlanıb

24-11-2020, 09:38           
Türkiyədə qeydiyyata alınmış Azərbaycan şirkətlərinin ümumi kapitalı açıqlanıb
Bu ilin yanvar-oktyabr aylarında Türkiyədə Azərbaycan kapitalı olan 116 şirkət qeydiyyata alınıb ki, bu da ötən ilin eyni dövrü ilə müqayisədə 40 şirkət azdır.

Trend-in məlumatına görə, bu barədə Türkiyə Ticarət və Sənaye Palatası (TOBB) məlumat yayıb.

Məlumatda bildirilir ki, 2020-ci ilin 10 ayı ərzində Türkiyədə qeydiyyata alınan Azərbaycan şirkətlərinin məcmu kapitalı 23,131 milyon türk lirəsi olduğu halda, 2019-cu ilin eyni dövründə bu rəqəm 24,475 milyon türk lirəsi təşkil edib.

Qeyd edilib ki, 2020-ci ilin yanvar-oktyabr aylarında Azərbaycan şirkətlərinin əksəriyyəti, ümumi kapitalı 15,469 milyon türk lirəsi olan İstanbulda (98 şirkət) qeydiyyata alınıb.

2019-cu ilin yanvar-oktya aylarında Türkiyədə 14 sənaye, 3 tikinti, topdan və pərakəndə ticarətdə 56 şirkət, 8 turizm şirkəti və 4 daşınmaz əmlak satışı şirkəti şirkəti qeydiyyata alınıb. Qalan şirkətlər iqtisadiyyatın digər sahələrində iştirak edir.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.