“Azərbaycanda hökm sürən koronavirusun üçüncü dalğası birinici və ikinci dalğalardan daha ağır keçir”.

Bunu Bizim.Media-ya açıqlamasında həkim terapeft Rasif Bağırov dedi:

“Doğrudur, xəstəliyi yüngül keçirənlər də var, amma yoluxanlar arasında xəstəliyi ağır keçirən cavan insanlara da rast gəlinir. Bu da virusun ştammları ilə bağlıdır. İnsanların immun sistemlərindən asılı olaraq müxtəlif ştamlar özünü fərqli şəkildə göstərir”.


Həkim terapeft həyacan təbili çalaraq bildirdi ki, qaydalara əməl edilməsə, ölüm sayı çoxalacaq:

“Mən Operativ Qərargaha təkilif edərdim ki, heç olmasa qapalı məkanlarda maska qadağasına ciddi nəzarət mexanizmi tətbiq etsinlər. Bu olarsa, SMS tətbiqinə-filana getmək lazım deyil. Oturub gözləmək lazım deyil ki, yoluxma həddindən artıq yüksəlsin, ondan sonra kəskin məhdudiyyətlərə gedilsin. İndi istənilən avtobusa baxsaq, görərik ki, sərnişinlərin bir-biri ilə “ağız-ağıza”- dır, heç birinin də maskası yoxdur. Elə dalğanı bu yaradır da. Hesab edirəm ki, yalnız qapalı məkanlarda maska məsələsində əvvəlki qaydada əməl edilsə, bu COVID-in xeyli azalmasına səbəb olar”.