Ölkəmizdə koronavirusa qarşı vaksinasiya davam etdirilir. Hər gün onminlərlə insan bu prosesdə iştirak edir. Statistikaya əsasən, hazırda ölkə əhalisinin təxminən 24%-i vaksinasiya olunub. Lakin bu, koronavirusa qalib gəlmək üçün yetərli rəqəm deyil.

Azərbaycanda dünya təcrübəsi əsasında üçüncü dozanın tədbiqinə başlanılıb. Məqsəd ilk dozadan əldə olunmuş immunitetin daha uzun müddətliliyini təmin etməkdir.

Baş infeksionist Təyyar Eyvazov İctimai TV-yə bildirib ki, üçüncü dozanın vurulması hələlik müəyyən risk qrupu üçün düşünülüb.