Ağ Evin keçmiş milli təhlükəsizlik müşaviri bildirib ki, Tramp seçkilərdə qalib gələcəyi təqdirdə, ABŞ-ı NATO-dan çıxaracaq.
ABŞ-ın sabiq Prezidenti Donald Tramp 2024-cü ildə keçiriləcək prezident seçkilərində qalib gəlsə, ABŞ NATO-dan çıxacaq.
Bu barədə Rusiya mediası Ağ Evin keçmiş milli təhlükəsizlik müşaviri Con Boltonun “NewsNation” telekanalında çıxışına istinadən xəbər verib.
“O, NATO-nun mövcudluğunu təhlükə altında qoyub. Düşünürəm ki, onun ikinci dəfə prezident olacağı müddətində biz demək olar ki, alyansı tərk edəcəyik”, - deyə Bolton bildirib.

Onun sözlərinə görə, Tramp milli təhlükəsizlik sahəsində qərarlar qəbul edərkən həmişə yalnız öz mənfəətinə əsaslanıb və sabiq prezidentə aid edilən nailiyyətlərin bir çoxu onun ilkin bəyanatlarına zidd olub.
Bu yaxınlarda Donald Tramp bildirib ki, Ağ Ev milyardlarla dolları ABŞ vergi ödəyicilərini dəstəkləmək üçün xərcləyir və bu pulların böyük bir qismi Bayden ailəsinin cibinə gedir. Bundan başqa, sabiq prezident əlavə edib ki, ABŞ-da silah-sursat qalmayıb.
Sputnik