Liviyada üsyançı general Xəlifə Həftərə dəstək göndərilib.

Cebhe. info xəbər verir ki, bu barədə Liviya ordusunun sözçüsü polkovnik Məhəmməd Kanunu məlumat verib. Məlumata görə, Həftərə dəstək üçün muzdlu əsgərləri daşıyan 112 ədəd silahlı texnika Cufranın Hun şəhərinə gəlib.

Hun şəhərinə gələn avtomobillərdə, Rusiyanın təhlükəsizlik şirkəti “Vaqner”ə aid muzdlular, Sudanlı Cancavid milisləri, Suriyalı və Yəmənli muzdlular da daxil olmaqla yüzlərlə muzdlu hərbçinin olduğunu bildirib.

Son saatlarda Həftərə dəstək verən Cancavid muzdlularına aid 70 silah yüklü texnikanın da Sirtəyə girdiyi bildirilib. Qeyd edək ki, avqustun 27-də Həftər qüvvələri atəşkəsi pozmuşdu.