Londonda çıxan “Əl-Şarak-Əl-Ausat” qəzeti Nyu-York məhkəməsinin 2001-ci il 11 sentyabr terroru ilə bağlı apardığı prosesin bəzi detallarını dərc edib.

Modern.az xarici KİV-ə istinadla xəbər verir ki, prosesdə ifadə verən Amerika Mərkəzi Kəşfiyyat İdarəsinin keçmiş əməkdaşları Kler Lopers və Bryus Teft öz ifadələrində İran rəhbərliyinin 11 sentyabr terroruna, 1996-cı ildə Ər-Riyadda “Hobar” qülləsinə, 1998-ci ildə Keniya və Tanzaniya səfirliklərinə hücumda, 2000-ci ildə “USSS Cole” gəmisinə hücumda və s. əli olduğunu bildirib. Onların sözlərinə görə “Əl-Qaidə” ilə İran əməkdaşlığı “Hizbullah” təşkilatının vasitəçiliyi ilə baş tutub. “Hizbullah”ın operativ xidmət rəhbəri İmad Muqniyə “Əl Qaidə” döyüşçülərinin hazırlığına yardım edib. Nyu-Yorkun Manhetten məhkəməsi İranı 2001-ci il 11 sentyabr terrorunun qurbanlarına 10,5 milyard dollar kompensasiya ödəməsi barədə qərar verib.