Kambocanın Baş naziri Samdek Moha Borvor Tipadey Xun Manet ABŞ Prezidenti Donald Trampın Nobel Sülh Mükafatına namizədliyi ilə bağlı Norveç Nobel Komitəsinə rəsmi məktub təqdim edib.

“Cebheinfo.az” xəbər verir ki, bu barədə Baş nazir özü məlumat verib.

O vurğulayıb ki, bu nominasiya təkcə onun təqdirini deyil, həm də xalqının Trampın Kamboca və Tailand sərhədində sülh və sabitliyin bərpasında həlledici roluna görə səmimi minnətdarlığını əks etdirir:

"Potensial dağıdıcı münaqişənin qarşısını alan bu vaxtında müdaxilə böyük insan tələfatının qarşısının alınmasında mühüm rol oynadı və iki ölkə arasında sülhün bərpasına zəmin yaratdı".