Kanada hökuməti ABŞ-dən iqtisadi asılılığını azaltmağa çalışdığı üçün Avropaya təbii qaz, kalium, raps və digər malların ixracı üçün Hudson körfəzindəki limanı inkişaf etdirməyə çalışır.
Bu barədə "Bloomberg" nəşri məlumat yayıb.

Qeyd edilib ki, Energetika naziri Tim Hocson Manitoba ştatının Çörçill limanını daha böyük ixrac mərkəzinə çevirmək potensialında olduğunu açıqlayıb. Bu ideya həm də neft, qaz və kənd təsərrüfatı məhsullarının əsas ixracatçıları olan Alberta və Saskaçevan bölgəsinin rəhbərləri tərəfindən də dəstəklənir.

Bununla belə, bəzi siyasətçilər bunu uğursuz plan kimi qəbul edirlər. Çünki siyasətçilər belə hesab edirlər ki, liman ilin çox hissəsini buz bağladığından planın həyata keçirilməsi üçün uzun illər və xeyli pul lazım olacaq. Hocson isə deyib ki, Kanada hökuməti indi Sahil Mühafizəsi üçün il boyu və birbaşa Avropaya marşrut təşkil edə biləcək yeni buzqıran gəmilər donanması alır.