"Bu, əsl rüsvayçılıq, səhlənkarlıq, biabırçılıqdır. Çox böyük məbləğdə pul verib dincəlmək istədik, amma alınmadı. Bizi aldatdılar".

Dünyanın ən böyük sərnişin gəmisi sayılan "Harmony of Seas" kruiz laynerinin ilk reysinin sərnişinləri belə deyirlər.

Milli.Az Daily Mail-ə istinadən bildirir ki, onlar haqlıdır. Çünki bir həftəlik kruiz biletinin minimal qiyməti 3200 dollar olan layner ilk reysə çıxsa da, hələ də inşaat meydançasını xatırladır.

Sərnişinlərin dediklərinə görə, gəmidəki attraksionların tam əksəriyyəi hələ hazır ldeyil. Onlar pullarını geri almaq istəyirlər.

Layner mayın 22-də İngiltərənin Sauthempton limanını tərk edərək Rotterdama yollanıb, ilk reysinə çıxıb.