"Mançester Yunayted"in hücumçusu Aleksandro Qarnaço tezliklə "Çelsi"yə keçəcək.

Bu barədə "The Telegraph" məlumat yayıb.

Məlumata görə, klublar 35-40 milyon funt-sterlinq dəyərində transfer üzrə razılığa gəlməyə yaxındırlar.

Jurnalist və insayder Fabrizio Romano da "X" sosial şəbəkəsindəki səhifəsində Qarnaçonun "zadəganlar"a qoşulmağa yaxın olduğunu təsdiqləyib.

Xatırladaq ki, hücumçu ötən mövsüm bütün turnirlərdə 58 matçda iştirak edib, 11 qol vurub və 10 məhsuldar ötürmə edib.