Çinin Mərkəzi Bankı son beş ayda qızıl ehtiyatlarını artırır, eyni zamanda ABŞ istiqrazlarını azaldır. SİA xarici mətbuata istinadən xəbər verir ki, Çin Dövlət Valyuta Təşkilatının açıqladığı məlumatlara əsasən, 2019-cu ilin sentyabrından 2022-ci ilin oktyabrına qədər Çinin qızıl ehtiyatları dəyişməz qalıb. Eyni zamanda, 2022-ci ilin noyabrından bu ilin martına qədər Çin 3,86 milyon unsiya (təxminən 120 ton) qızıl alıb.

Hazırda Çin qızıl ehtiyatlarına görə dünyada altıncı yerdədir. Çin eyni zamanda ABŞ dövlət istiqrazlarını satır.

2023-cü ilin yanvar ayının sonuna Pekinin 859,4 milyard dollarlıq ABŞ istiqrazları var.

Qeyd olunub ki, hakimiyyət ABŞ dolları ilə qlobal ödəniş sistemindən xaric olunmasından ehtiyat etdiyi üçün belə addımlar atır.