ABŞ Ukrayna ərazisində radiasiya aktivliyini aşkar edən, nüvə partlayışının yerini və gücünü təyin edə bilən sensorlar quraşdırır.

Bu barədə “The New York Times“ ABŞ Energetika Nazirliyi yanında Milli Nüvə Təhlükəsizliyi Administrasiyasının ekspertlərinə istinadən məlumat yayıb.

Onlar iddia edirlər ki, əgər Ukrayna ərazisində nüvə fəlakəti baş verərsə, məsələn, nüvə reaktorundan radiasiyanın sızması və ya nüvə silahının istifadəsi, o zaman vəziyyətlə bnağlı qısa vaxtda ABŞ hökumətinə məlumat veriləcək.

Onların sözlərinə görə, Ukrayna hakimiyyəti ilə razılaşaraq bütün regionlarda sensorlar yerləşdirir, həmçinin işçilərə təlim keçirilir.