İranda həbslər və edamlar davam edir.

Bu dəfə qaşqay türklərinin fəalı Əbülfəz Kərəmi Yadkuri Kəşkuli həbs edilib.

Bu barədə "Azad İran" teleqram kanalı məlumat yayıb.

Məlumatda onun mayın 23-ü İran təhlükəsizlik orqanları tərəfindən həbs edildiyi bildirilib.

Qeyd edilir ki, təhlükəsizlik qüvvələri Əbülfəz Kərəminin evinə hücum ediblər. Fəalı həbs etdikdən sonra evində axtarış aparılıb və ona məxsus şəxsi əşyalar müsadirə edilib.

Digər həbslər kimi fəalın hara aparıldığı və nədə günahlandırıldığı açıqlanmayıb.