Xilasedicilər Gürcüstanın Raça yüksək dağlıq bölgəsində “Sunset Shovi” otelinin yaxınlığında sürüşmə zonasında olan 50-yə yaxın insanla əlaqə yarada bilmirlər.

Bu barədə respublikanın regional inkişaf və infrastruktur naziri İrakli Karseladze bildirib. “Hazırda 70-dək vətəndaş təbii fəlakət zonasından çıxarılıb, 152 nəfərin şəxsiyyəti müəyyən edilib. Onlar xilasedicilər və polis əməkdaşları ilə birlikdə təhlükəsiz yerdədirlər. Onlar lazım olan hər şeylə təmin olunublar”, - deyə nazir bəyan edib.

Gürcüstanın Daxili İşlər Nazirliyi torpaq sürüşməsindən sonra itkin düşənlər barədə məlumatı olan insanlar üçün artıq “qaynar xətt”i işə salıb.


18:16
Gürcüstanın qərbindəki Şovi kurort zonasında torpaq sürüşməsi baş verib.

Gürcüstanın Daxili İşlər Nazirliyindən verilən məlumata görə, sürüşmə nəticəsində 6-sı uşaq olmaqla 16 nəfər torpaq altında qalıb.

Əraziyə iki xilasedici helikopter göndərildiyi bildirilib.