Yerli Taliban rəsmiləri Əfqanıstanın bəzi əyalətlərində 10 yaşdan yuxarı qızların ibtidai məktəbə getməsini qadağan edib.

Bildirilib ki, Talibanın nəzarətində olan Təhsil Nazirliyinin rəsmiləri Qəzni əyalətindəki məktəb direktorlarına “10 yaşından yuxarı hər hansı qızın ibtidai məktəbə getməsinə icazə verilmir” əmrini göndəriblər.

Kabilin süqutundan və Talibanın hakimiyyəti ələ keçirməsindən qısa müddət sonra, Əfqanıstanda qızların orta təhsil alması qadağan edilib və orta məktəblər yalnız oğlanlar üçün nəzərdə tutulub.

Ötən ilin dekabrında isə Taliban qadınların kollec və universitetlərə daxil olmasını da qadağan edib.

Qeyd edək ki, Taliban rejimi dünyada yeganə administrasiyadır ki, əhalisinin təxminən yarısına orta təhsili qadağan edib.
bbc