Fransada ən yüksək səviyyədə terror təhlükəsi elan olunub - FOTO
25-03-2024, 12:54
Fransa Milli Müdafiə Şurasının iclasından sonra ölkədə terror təhlükəsi ən yüksək səviyyədə elan edilib.
Bu barədə Fransanın baş naziri Qabriel Attal “X” hesabında yazıb.
Qeyd olunub ki, buna səbəb Moskva yaxınlığındakı “Crocus City Hall”da baş vermiş terror aktıdır.
“Moskvada baş verən terror aktından sonra Fransa prezidenti bu gün axşam Yelisey sarayında Milli Müdafiə və Təhlükəsizlik Şurasının iclasını çağırıb. “İslam Dövləti” terror qruplaşması hücuma görə məsuliyyəti öz üzərinə götürdüyünə görə və ölkəmizin üzləşdiyi təhdidlərlə əlaqədar olaraq terror təhlükəsi səviyyəsinin yüksəldilməsi qərara alınıb”, - baş nazir qeyd edib.
À la suite de l’attentat de Moscou, un Conseil de Défense et de Sécurité nationale a été réuni ce soir à l’Elysée par le Président de la République.
— Gabriel Attal (@GabrielAttal) March 24, 2024
Compte tenu de la revendication de l’attentat par l’état islamique et des menaces qui pèsent sur notre pays, nous avons décidé de…
