Ekvador polisi Meksika səfirliyində əməliyyat keçirib, diplomatlar yaralanıb
Ekvador polisi Meksikanın bu ölkədəki səfirliyində əməliyyat keçirib.

Bu barədə Meksikanın xarici işlər naziri Alisiya Barcena “X” platformasında məlumat yayıb.

O , qeyd edib ki, əməliyyat zamanı meksikalı diplomatlar yaralanıb.

“Diplomatik münasibətlər haqqında Vyana Konvensiyasının kobud şəkildə pozulmasını və Ekvadorda meksikalı diplomatik personalın aldığı xəsarətləri nəzərə alaraq, Meksika Ekvadorla diplomatik münasibətləri dərhal kəsdiyini elan edir", - nazir vurğulayıb.