Rusiya Aralıq dənizi sahillərinə ağır təyyarədaşıyan kreyser “Admiral Kuznetsov”u göndərib.
Avropa.info xəbər verir ki, gəmini başqa hərbi gəmilər də müşayiət edir. “Admiral Kueznetsov”un Rusiyanın Aralıq dənizində saxladığı daimi operativ birləşmələrin tərkibinə qatılacağı gözlənilir. Səfər 5 ay çəkə bilər.
Rusiyanın Suriya sahillərinə təyyarədaşıyan gəmi göndərməsi xəbəri iyulun əvvəllərində məlum olmuşdu. “Admiral Kuznetsov”un göyərtəsində ən müasir MiQ-29KR və MiQ-29KUBR qırıcıları, həmçinin S-33 təyyarəsi var. Gəmi üçün Ka-52K vertolyotları da hazırlamışdılar.