Belçika 2025-ci ildə Ukraynaya ilk ədəd "F-16" döyüş təyyarəsini təhvil verəcək. Bu qırıcılar ilkin mərhələdə ehtiyat hissələri kimi istifadə olunacaq.
Daha iki ədəd "F-16"nın isə 2026-cı ildə Ukraynaya göndərilməsi planlaşdırılır.

Bu barədə Belçikanın Baş naziri Bart De Vever Kiyevdə Prezident Volodimir Zelenski ilə keçirdiyi birgə mətbuat konfransında bildirib.

"Biz Ukraynaya "F-16" təyyarələrinin əsas təchizatçılarından biri olacağımızı vəd etmişdik və bu vədimizə sadiq qalırıq. Bu il iki ədəd "F-16" göndərəcəyik – onlar əsasən ehtiyat hissələri üçün nəzərdə tutulub.

Növbəti il isə daha iki qırıcı təyyarə yollanacaq. Əlavə göndərişlər də istisna olunmur, lakin biz eyni zamanda"F-35"lərə keçid prosesini də nəzərə alırıq. Bizdə hər şey plana uyğun gedəcək – F-35-ləri əldə etdiyimiz andan etibarən Ukrayna da öz "F-16"larını ala biləcək", – deyə baş nazir bildirib.