Fransa Prezidenti Emmanuel Makron və həyat yoldaşı Bricit amerikalı jurnalist Kendis Ouensini Fransanın birinci xanımının guya kişi doğulduğu barədə bəyanatına görə məhkəməyə veriblər.

Oxu.Az "Financial Times" qəzetinə istinadən xəbər verir.

Qəzet yazır ki, cütlük bloqer və podkast aparıcısı Ouensiyə qarşı ABŞ-də böhtan iddiası qaldırıb.

Diffamasiya iddiası Ouensinin "YouTube" kanalında keçən il yayımlanmış və 2,3 milyon dəfədən çox baxılan "Bricitin təşəkkülü" adlı səkkiz seriyalı buraxılışına görə verilib.

İddiada bildirilir ki, cütlük əhəmiyyətli nüfuz zərəri ilə üzləşib və ictimai məlumatı düzəltmək üçün xeyli pul xərcləyib.