İsveçdə güclü yağış səbəbindən hərbi sursatlar daşıyan qatar relsdən çıxıb.

Oxu.Az xəbər verir ki, bu barədə SVT televiziyası məlumat yayıb.

İsveç Nəqliyyat Administrasiyasının mətbuat katibi Peter Yonsson qatarın bir hissəsində döyüş sursatları və litium batareyalarının olduğunu açıqlayıb.

Təhlükəli yüklər fövqəladə hal xidmətlərinə təhvil veriləcək. Bundan sonra dəymiş ziyanın daha ətraflı qiymətləndirilməsi üçün hadisə yeri təmizlənəcək.

İsveç Nəqliyyat Administrasiyasının məlumatına görə, zədələnmiş dəmir yolunun bərpası bir neçə həftə çəkə bilər.