Britaniyalı şəxs metal detektoru ilə tarlada axtarış edərkən nadir tarixi kəşfə imza atıb. Belə ki, o, iki min illik qədimliyi olan Roma broşürü tapıb. Dorçesterli kişi əvvəlcə əşyanı sadəcə müasir oyuncaq parçası zənn edərək tullamağı düşünüb. Lakin evdə təmizlik zamanı onun əslində qədim və dəyərli bürünc əşya olduğunu aşkarlayıb.

Bu barədə "Arkeonews" portalı xəbər verir.

Ekspertlərin sözlərinə görə, tapılan broşür sadəcə bir bəzək əşyası deyil, Roma dövründə zənginliyi, sosial statusu və bölgə kimliyini simvolizə edib. Bu nadir tapıntı, Cənub-Qərbi Britaniya ərazisində Roma dövrü həyatına dair əhəmiyyətli məlumatlar təqdim edir.

Müəllif Martin Uilyams dörd ildir davam edən metal aşkarlama hobbisini "tarixi hekayələrə toxunma" imkanı kimi dəyərləndirdiyini bildirib.