Ermənistanda baş vermiş yol qəzasında 10 hərbçi xəsarət alıb
24-03-2017, 09:04
Erməni hərbçiləri yol qəzasına düşüb. "Report"un məlumatına görə, bu barədə "news.am"a Ermənistan Müdafiə Nazirliyinin mətbuat katibi Arçrun Ovanisyan xəbər verib. Onun sözlərinə görə, Sotk-Karvaçar magistral yolunda Müdafiə Nazirliyinə məxsus "Ural" avtomobili ilə "Volkswagen Golf" toqquşub. Hadisə nəticəsində 10 hərbçi xəsarət alıb. Onlardan 2-nin vəziyyəti ağırdır. "Hazırda onları Yerevana aparırlar" – deyə Ovanisyan bildirib. Yüngül yaralılar isə Vardenisdəki hospitala aparılıb. "Shamshyan.com" məlumatına görə isə qəza nəticəsində hər iki maşın aşıb. Volkswagen isə 70 metrlik dərəyə yuvarlanıb. Yaralılardan 6-ı müqavilə ilə xidmət keçən hərbçilərdir.