“Avqustun 26-sı gecə saatlarında ABŞ Hərbi-Hava Qüvvələrinə məxsus helikopter İŞİD-in Avropa mənşəli iki səhra komandirini ailələri ilə birlikdə Deyr əz-Zor şəhərinin şimal-qərbindəki Treyf rayonu yaxınlığından təxliyə etdiyi barədə yayılan məlumat həqiqətə uyğun deyil”.
Gununsesi.info Türkiyə mətbuatına istinadən xəbər verir ki, ABŞ Müdafiə Nazirliyinin (Pentaqon) sözçüsü mayor Adrian Rankin-Qollivay Anadolu” agentliyinin müxbirinin sualını cavablandırarkən belə deyib.
Belə ki, Adrian Rankin-Qollivay bildirib ki, Rusiyanın “RİA Novosti”(“Rossiya Seqodnya”) Beynəlxalq İnformasiya Agentliyinin bu barədə yaydığı məlumat isə təxribat xarakterli dezinformasiyadır.
Ortaya atılan iddianın həqiqətə uyğun olmadığını deyən Adrian Rankin-Qollivay bu məsələnin üzərində çox dayanmaq istədiyini vurğulayıb.
Qeyd edək ki, “RİA Novosti”yə hərbi-diplomatik mənbəyə istinadən xəbər verib ki, ABŞ Hərbi-Hava Qüvvələri bu ilin avqustunda İŞİD terror qruplaşmasının 20-dən çox səhra komandirlərini Suriyanın Deyr əz-Zor rayonundan təxliyə edib.