Almaniyada bir cütlük övladlarını pedofillərə satdıqları üçün həbs ediliblər.
Ata-ana 9 yaşlı oğlan övladlarını internet üzərindən satışa çıxarıblar. Məhkəmənin hökmü ilə cütlük həbs edilib.

48 yaşlı ana 12 il 6 ay, 39 yaşlı ata isə 12 il həbs cəzasına məhkum edilib. Müstəntiqlər bu günə qədər gördükləri ən qorxunc uşaq istismarı ilə üzləşdiklərini etiraf ediblər.
Məlum olub ki, həbs edilən cütlük Almaniyanın cənubi-qərbindəki Staufen şəhərində üzə çıxarılan pedofil şəbəkəsinin bir parçasıdır. Eyni zamanda üzə çıxıb ki, cütlük 9 yaşlı uşağı özləri də istismar ediblər.