ABŞ-ın İŞİD-lə mübarizə koalisiyası Suriyada radar sisteminin quraşdırılmasına qərar verib.

Axar.az xəbər verir ki, sistemin suriyalı kürdlərin Rojava adlandırdığı muxtar bölgədə quraşdırılacağı bildirilir.

ABŞ-ın sözügedən radarlar vasitəsilə Suriyanın şərqindəki Menbiç və Deyr əz-Zor şəhərlərinə nəzarət edəcəyi bildirilir.

Qeyd edək ki, ABŞ bundan əvvəl də Suriyanın şimal və cənub hissələrində uçuşa qadağa qoyulan bölgələrdə hərəkət olub-olmamasını yoxlamaq üçün radarlar quraşdırmışdı.