İqbal Ağazadə MSK-nı şantaj etməyə başladı- "Deputat seçilmədiyim halda əlimdəki faktlarla danışacam."
2-11-2015, 13:00
“Deputat seçilmədiyim halda əlimdəki faktlarla danışacam”.
Bunu SalamNews-a Ümid Partiyasının sədri İqbal Ağazadə deyib.
O Mərkəzi Seçki Komissiyasının (MSK) açıqlayacağı rəsmi nəticəni gözlədiyini bildirib: “Hələlik 6 dairənin nəticələri açıqlanmayıb. Ona görə də bir söz deyə bilmərəm. Rəsmi nəticələri gözləyirəm. Seçilmədiyim halda əlimdəki faktlarla danışacam”.
Bildirək ki, ilkin nəticələrə görə, 35 saylı Xətai üçüncü seçki dairəsində Əlizadə Araz Məmməd Mübariz oğlu qalib hesab olunur.
Qeyd edək ki, Mərkəzi Seçki Komissiyası (MSK) 6-dairə üzrə səsvermənin nəticəsini açıqlamayıb. Hazırda hesablanma prosesi gedir.