Daxili İşlər Nazirliyi bu gün ölkə mətbuatında Bakıda polis əməkdaşının tabel silahı ilə özünü güllələməsi barədə yayılan xəbərə münasibət bildirib.

Nazirliyinin mətbuat xidmətindən GoldNews.Az-ın sorğusuna verilən cavabda bildirilib ki, polis əməkdaşı Rüfət İsmayılovun tabel silahı ilə özünü güllələməsi barədə ölkə mətbuatında yayılan məlumatlar həqiqəti əks etdirmir. Burada hansısa intihar hadisəsindən söhbət gedə bilməz:

"Nəsimi RPİ-nin əməkdaşı, leytenant Rüfət İsmayılov tabel silahı ilə ehtiyatsız davrandığı üçün odlu silahdan atəş açılıb və nəticədə o xəsarət alıb. Hazırda xəstəxanada müalicəsi davam etdirilir, vəziyyəti normaldır, yəni bu, intihara cəhd faktı deyil".

Qeyd edək ki, Rüfətin keçmiş polis rəisi, təqaüddə olan Vaqif İsmayılovun oğlu olduğu deyilir.