Moskvanı bu şəxslər partlatmaq istəyib - FTX əməliyyat keçirdi
26-10-2018, 20:52
Həbs edilənlərin sayı və milliyyəti haqda açıqlanma verilmir
Rusiya Federal Təhlükəsizlik Xidmətinin əməkdaşları Moskvada əməliyyat keçiriblər. Onlar İŞİD terror təşkilatının terakt planının qarşısını alıblar.
AzNews.az Rusiya mediasına istinadən xəbər verir ki, bu haqda məlumatı FTX-nın İctimaiyyətlə əlaqə mərkəzi yayıb.
Əməliyyat zamanı hüquq-mühafizə orqanlarının əməkdaşları İŞİD üzvlərindən odlu silah, hücum planı haqda hesabatlar, pul əskinazları və bomba hazırlanmasının sxemini götürüblər.
Mənbə bildirir ki, onlara göstərişləri Suriya Ərəb Respublikasının emissarları və Mərkəzi Asiya regionundan olan terroristlər verib.
Həbs edilənlərin sayı və milliyyəti haqda açıqlanma verilmir.
Qeyd edək ki, bu ilin aprel ayında keçirilən xüsusi əməliyyatlar zamanı isə Yeni Urenqoy şəhərində 20 terrorçu yaxalanmışdı.
