Azərbaycanın "Silk Vey Biznes Avieşn" (“Silk Way Business Aviation”) şirkətinə məxsus sərnişin təyyarəsi Rusiyanın paytaxtı Moskvada yerləşən Şeremetyevo hava limanına enərkən qarlı zolaqdan kənara çıxıb.

Şirkətdən Axar.az-a verilən məlumata görə, təyyarənin göyərtəsində heyət üzvləri və 5 sərnişi olub, onların heç biri xəsarət almayıb.

Publika.az-ın məlumatında bildirilir ki, qəza nəticədə təyyarənin şassiləri qırılıb, gövdəsi zədələnib.

Faktla bağlı cinayət işi açılıb. Bunu ölkənin Moskva Regionlararası İstintaq İdarəsinin nəqliyyat üzrə baş köməkçisi Larisa Markovets bildirib.

Onun sözlərinə görə, qəzanın baş verməsinə təhlükəsizlik qaydalarının pozulmasının səbəb olduğu ehtimal edilir.