Vilnüsdə naməlum şəxslər rusiyalı diplomata hücum edib və onu döyüblər. Bu barədə Rusiya Xarici İşlər Nazirliyinin saytında yerləşdirilən məlumatda deyilir.

“Litva paytaxtında rusiyalı diplomata fiziki güc tətbiq edilərək hücum edilib, səfirə təzyiq göstərilməyə cəhd edilib.

“Nümayəndəliklərimiz artıq müvafiq notalar göndərib, lakin Rusiyanın xaricdəki nümayəndəliklərini qorumaq üçün Baltikyanı dövlətlərin gördüyü tədbirlər açıq şəkildə yetərli deyil”, - Rusiya Xarici İşlər Nazirliyinin sözçüsü Mariya Zaxarova bildirib.

Onun sözlərinə görə, Rusiyanın Litvadakı səfirliyi diplomatlara təhdidlər və səfirə təzyiq faktları ilə bağlı bu ölkənin Xarici İşlər Nazirliyinə nota göndərib.
virtualaz