Meksikanın şimal-qərbindəki Sinaloa əyalətinin paytaxtı Kulyakan şəhərində naməlum şəxslərin yanan avtomobillərlə bir sıra küçələri bağladıqları üçün bir neçə atışma qeydə alınıb.

Təhlükəsizlik vəziyyətinin kəskin şəkildə pisləşməsi ilə əlaqədar hakimiyyət bu böyük şəhərin sakinlərini evlərini tərk etməməyə çağırıb, məktəblərdə və universitetlərdə dərslər ləğv edilib.

Hadisənin mümkün səbəbləri, eləcə də əhali arasında ölən və ya yaralananlar barədə məlumatlar hələlik açıqlanmayıb.

Qeyd edək ki, Kulyakan əhalisi şəhərətrafı ərazilərlə birlikdə 1 milyon nəfəri keçir.

Mənbə: TASS