Rusiyada inəklərin beyninə çip implant edilib, bununla da heyrətamiz nəticələr əldə olunub.
Bu barədə "360.ru" "Telegram" kanalı xəbər yayıb.

Yeni texnologiya heyvanların ənsə nahiyəsinə elektrodların yerləşdirilməsinə əsaslanır. Mütəxəssislərin açıqlamalarına görə, bu üsul gözlənilməz şəkildə inəklərin stres səviyyəsini aşağı salıb, beyin aktivliyini artırıb və iştahalarını yaxşılaşdırıb - beləliklə, onların süd istehsalı əhəmiyyətli dərəcədə artıb.

Təcrübə süni intellekt və heyvan texnologiyaları sahəsində fəaliyyət göstərən "Neyroroqi" şirkəti tərəfindən həyata keçirilib.

"Yeni texnologiya süd heyvandarlığında məhsuldarlığın əhəmiyyətli dərəcədə artırılması üçün perspektivlər açır", - deyə şirkətdən vurğulanıb.