Dünyada bəzi ölkələr var ki, onların vizasını almaq son dərəcə çətindir. Bu, əsasən müraciətçinin vətəndaşlığından, vizanın məqsədindən və həmin ölkənin siyasi-təhlükəsizlik vəziyyətindən asılıdır.

Araşdırmalara görə, ən çətin vizalar sırasında Şimali Koreya ön sıradadır. Ölkəyə səyahət yalnız rəsmi tur agentlikləri vasitəsilə mümkündür və müəyyən vətəndaşlar üçün qəti qadağalar tətbiq olunur.

Butan da turistlər üçün məhdud giriş qaydaları ilə seçilir. Buraya səfər edənlər rəsmi tur operatorları vasitəsilə viza almalı və gündəlik müəyyən ödəniş etməlidirlər.

Türkmənistan isə mürəkkəb müraciət proseduru və dəvət məktubu tələbi ilə tanınır. Bu səbəbdən ölkəyə səyahət etmək istəyənlər çox vaxt uzun və çətin bir prosesdən keçməli olurlar.

Bundan başqa, İran, Kuba, Suriya, Əfqanıstan, Somali və Çad kimi ölkələrdə də siyasi vəziyyət, beynəlxalq sanksiyalar və təhlükəsizlik problemlərinə görə vizaların əldə edilməsi olduqca çətindir.

Mütəxəssislər bildirirlər ki, vizaların çətinliyi yalnız ölkənin daxili qaydaları ilə bağlı deyil, həm də müraciətçinin vətəndaşlığından asılı olaraq dəyişə bilər.
Sfera.az