Ukrayna Rusiya hərbi gəmilərinə daha çox dron hücumları həyata keçirəcək.

Axar.az xəbər verir ki, bunu Ukrayna Baş nazirinin müavini Mixail Fyodorov deyib.

O bildirib ki, 2023-cü ildə Ukraynada pilotsuz uçuş aparatlarının istehsalı ötən illə müqayisədə 100 dəfədən çox artıb:

"Hesab edirəm ki, bu ilin sonuna qədər əvvəlki illə müqayisədə təxminən 120-140 dəfə artım olacaq".

Fyodorov qeyd edib ki, Ukrayna hətta rabitə pozulsa belə, bir neçə kilometr məsafədə hədəfləri tapa və ora PUA göndərə bilən süni intellekt sistemlərini sınaqdan keçirir:

"Aldığımız dronların bəziləri hədəfləri tanımaq üçün süni intellektdən istifadə edir. Süni intellekt meşədə hədəfi aşkarlaya və onun kimliyini - insan, tank və ya xüsusi bir nəqliyyat vasitəsi olduğunu müəyyən edə bilər. Bu texnologiyalardan fəal şəkildə istifadə olunur".