Dünyanın bir çox alimlərinin, hətta böyük fizik Albert Eynşteynin də nəzəriyyə kimi irəli sürdükləri, lakin təcrübi baxımdan əsasladıra bilmədikləri elmi ideya ilk dəfə olaraq həyata keçirildi.

Moderator.az xarici mediaya istinadən xəbər verir ki, İsveçrə alimləri hərəkətdə olan və hissəcik şəklində dövr edən işığın fotosunu çəkməklə elmi yeniliyə imza atıblar.

Alimlərin yüksək bacarığı odur ki, onlar eyni anda işığın iki davranma üsulunu nanotexnologiya vasitəsilə lentə ala biliblər. Belə ki, işıq həm hissəcik halında, həm də dalğavari hərəkət anında yaddaşa alınıb.
Bununla da işığın eyni obyekt üzərində həm aşağıya, həm də yuxarıya hərəkət mexanizmi təsdiqlənib.