Ləğv olunmuş Milli Təhlükəsizlik Nazirliyinin Energetika və Nəqliyyat Sahələrində Təhlükəsizlik Baş İdarəsinin sabiq rəisi Akif Çovdarovun ittiham aktında açıqlanan epizodlar medianın gündəmindən düşmür. Generalın işi üzrə zərərçəkən qismində istintaqa cəlb olunan iş adamları sensasion ifadələr səsələnidiblər.
Gununsesi.info-nun xəbərinə görə, Akif Çovdarovun Ruslan Çovdarov özünün sosial şəbəkədəki səhifəsində həmin zərərçəkənləri dələduzluqda və digər cinayətlərdə ittiham edib. Mövzunun aktuallığını nəzərə alıb, onun fikirlərini təqdim edirik:

Ruslan Çovdarov yazır ki, adları çəkilən ” zərərçəkmişlərin ” hamısının nədənsə ifadələri eynidi: “Hamısı ssat 11 də MTN ə aparılıb , 8 saat saxlanılıb , 1 millyon pul istənib. Görəsən, bu qədər gözəl ssenarini bunlara kim yazıb? Mənə də çox maraqlıdır. İndi gəlin adları çəkilənlərə kimliyinə nəzər yetirək. “Şahbulaq” MTK-nın sədri Nəsib Əliyev vətəndaşlara qarşı külli miqdarda dələduzluqda ittiham edilib. O, Bakı Ağır Cinayətlər Məhkəməsinin hökmü ilə 13 il müddətinə azadlıqdan məhrum edilib. Oğlu Elton Əliyev uzun müddət Azərbaycanda axtarışda olub, 7 ay öncə Rusiyada həbs edilərək, Azərbaycana ekstradisiya edilib.
“AzərTikinti ATF”MMC-nin rəhbəri Azər Quliyev. O, da vətəndaşlara qarşı külli miqdarda dələduzluqda təqsirli bilinərək, Bakı Ağır Cinayətlər Məhkəməsinin hökmü ilə 11 il müddətinə azadlıqdan məhrum edilib.
“Real MTK” təsisçisi və rəhbəri İlham Qasımov. Hazırda onun cinayət işinə Bakı Ağır Cinayətlər Məhkəməsinin hakimi Zeynal Ağayevin sədrliyi ilə baxılır. Prosesdə məhkəmə istintaqı başa çatıb. Prokuror çıxışında İlham Qasımovun 13 il müddətə azadlıqdan məhrum edilməsini istəyib. Yaxın günlərdə İlham Qasımova hökm oxunacaq.
Bunları da Akif Çovdarovmu edib? İstintaqi Baş Prokurorluq aparıb, Ağır Cinayətlər Məhkəməsi isə hökm çıxarıb . Sadəcə bu insanlar vəziyyətdən istifadə edərək, özlərini təmizə çıxarmağa çalışırlar”.