Xakasiya rayonu ərazisində köçəri quşların davası baş verib. Lenta.ru saytının xəbərinə görə, qovğa gecə saatlarında baş verib və o qədər səs-küylü olub ki, bütün kənd ayağa qalxıb.

Səhər saatlarında isə kənd sakinləri yerdə yaralanmış çöl qazı tapıblar. Bu səbəbdən də o, ümumi köçə qoşula bilməyib Amma çöl qazının köçəri quşlara necə qoşulduğu məlum deyil. Quşlar arasında dava isə yolda yaranmış “tıxac”a görə baş verib. Belə ki, köçəri quşların iki dəstəsi yolda toqquşub və amansız qovğaya başlayıblar. Müşahidəçilər deyir ki, dəstələrin davası 20 dəqiqəyə yaxın davam edib və sözügedən çol qazının “qanı axıdılandan” sonra hərə öz yoluna davam edib. Yaralı quşu isə vilayətin zooparkında müalicəyə aparıblar.