Madridin “Vanda Metropolitan” stadionunda keçirilən Çempionlar Liqasının finalında - "Tottenhem” və “Liverpul” qarşılaşmasında yarıçılpaq olan xanım azarkeş meydanda qaçması matçın özündən çox müzakirə olundu. Bəs, bu xanım kimdir?
“Yeni Sabah” xəbər verir ki, Kinsey Volanski adlı bu qız məşhur blogger Vitali Zdorovetskinin sevgilisidir.

Özünün "VitalyzdTv" kanalını idarə edən rus Vitalinin videolarını təkcə bu il 1,65 milyarddan çox insan izləyib. Hazırda onun bloqunun dəyəri 7,2 milyon dollar hesablanır. Vitali təkcə youtube videolarından ayda 400 min dollardan çox pul qazanır.

22 yaşlı model Kinsey Volanski ilə sevgili olan Vitali onu da videoçəkilişlərində istifadə edir.

Dünən stadiona yarıçılpaq çıxana qədər Kinseyin Instagram-da 240 min izləyicisi olub. Yarım dəqiqəlik stadion şousundan sonra izləyicilərin sayı 500 mini keçib.