Aprelin 2-də döyüşlərdə qəhrəmancasına şəhid olan leytenant Orucəliyev Qabil Əbdüləli oğlunun kredit borcu tamamilə silinəcək.

Dia.az xəbər verir ki, bu barədə femida.az -ın sorğusuna Kapital Bankın Mətbuat katibi Pərviz Sədrəddinov məlumat verib. Onun sözlərinə görə, Kapital Bank-ın Neftçala filialının müştərisi, şəhid olmuş Orucəliyev Qabil Əbdüləli oğlunun adına olan kredit silinəcək. Hazırda silinmə sənədləri hazırlanır.

Kredit borcu 4 may 2016-cı il tarixinə 6525 manat təşkil edir.

Xatırladaq ki, Q.Orucəliyev Naxçıvan şəhərinin Xıncov məhəlləsində anadan olub. Tərtər istiqamətindəki döyüşlərdə ağır yaralanaraq həyatını itirib. Ölümündən əvvəl oğlu dünyaya göz açıb. Amma Orucəliyevin oğlunun nə səsini eşidib, nə də üzünü görüb.