Ukrayna ordusu Rusiyaya məxsus daha bir Su-34 qırıcısını məhv edib.

Bu barədə Ukrayna Silahlı Qüvvələrinin Hərbi Hava Qüvvələrinin komandanı general-leytenant Nikolay Oleşçuk bildirib.

Onun sözlərinə görə, qırıcı Ukrayna hava hücumundan müdafiə qüvvələri tərəfindən səhər saatlarında vurulub.

Qeyd edək ki, Su-34 əməliyyat və taktiki dərinlikdə düşmənin yerüstü hədəflərinə raket və bombalı hücumlar həyata keçirmək, həmçinin düşmənin hava hədəflərini məhv etmək üçün nəzərdə tutulmuş səsdən sürətli qırıcı-bombardmançı təyyarədir.