"Xanım, siz bilmirsiniz ki, Alışanovun vücudu ilə idarə olunan heç bir televiziyaya müsahibə vermirəm?"
10-04-2018, 13:50
Millər vəkili Fazil Mustafa Azərbaycan Dövlət Televiziyasının rəhbəri Akif Alışanova qarşı çıxıb.
BiG.AZ xəbər verir ki, millət vəkili Fazil Mustafa Akif Alışanovun idarəçiliyində olan heç bir televiziyaya müsahibə vermədiyini bildirib:
"Səhər- səhər bir xanım bir az çətin anlaşılacaq səslə zəng edib ki, Fazil bəy ictimai televiziyadandır və sizdən gündəmə dair müsahibə götürmək istəyirəm. Cavabım dərhal və kəsə oldu: Xanım, siz bilmirsiniz ki, Alışanovun vücudu ilə idarə olunan heç bir televiziyaya artıq mən dəyərli vaxtımı sərf edib müsahibə vermirəm? Xanım jurnalist gülümsəyərək cavabında dedi: Bəy, narahat olmayın, biz Gürcüstanın İctimai televiziyasındanıq, sizin fikirlər maraqlı olduğuna görə oradakı soydaşlarımızla bağlı düşüncələrinizi almaq istədik. Razılıq verdim. Çünki ağılla idarə olunan televiziyalara diqqətsizlik etmək xarakterimdə yoxdur."
